නිසි ජල සම්පාදන ක්රමවේද, ප්රමිතගත ආහාර සැපයුම් ක්රියාවලියක් හා යහ වෙළෙඳාමක් ඇති කිරීම සඳහා ජාතික ප්රතිපත්තියට අනුව යමින් ප්රතිපත්ති සම්පාදනය, අවශ්ය පහසුකම් සැපයීම නියාමනය කිරිම මගින් දකුණු පළාතේ සියලු ජනතාවගේ ජීවන තත්ත්වය ඉහළ නැංවීම
ශ්රී ලංකා ප්රජාතාන්ත්රික සමාජවාදී ජනරජයේ ආණ්ඩුක්රම ව්යවස්ථාවේ 13 වන සංශෝධනයට අනුව පරිපාලනය විමධ්යගත කිරීමේ ප්රතිඵලයක් ලෙස දකුණු පළාත් කෘෂිකර්ම, ගෙවිජන සංවර්ධන, වාරිමාර්ග, ජල සම්පාදන හා ජලාපවහන, ආහාර සැපයුම් හා බෙදාහැරීම්, වෙළෙඳ සහ සමුපකාර සංවර්ධන අමාත්යාංශය ස්ථාපිත කරන ලදී. පළාත් සභාවට පවරා ඇති ව්යවස්ථාපිත විධිවිධාන යටතේ, කෘෂිකර්මාන්තය, පශු සම්පත් සහ වාරිමාර්ග අංශවල තිරසාර සංවර්ධනය සහතික කිරීම සඳහා මානව හා භෞතික සම්පත් කළමනාකරණය කරනු ලැබේ.
>කෘෂිකර්ම, වාරිමාර්ග සහ සමුපකාර සංවර්ධන අමාත්යාංශයේ වෙනම දෙපාර්තමේන්තු තුන යටතේ මහජනතාවට ප්රතිලාභ ලබා දෙනු ලැබේ. අමාත්යාංශයේ ගරු අමාත්යතුමා, අමාත්යාංශයේ ලේකම්වරයා සහ අනෙකුත් සමස්ත කාර්ය මණ්ඩලය අමාත්යාංශයේ මෙම දැක්ම සහ අරමුණු සාක්ෂාත් කර ගැනීම සඳහා පක්ෂපාතීව, අවංකව සහ මහත් කැපවීමකින් කටයුතු කරයි.
අප අමාත්යාංශය සේවාලාභීන්ට උසස් තත්ත්වයේ, විශ්වාසනීය හා කාර්යක්ෂම සේවාවක් සැපයීම සිදුකරයි. අපගේ නිල වෙබ් අඩවිය මඟින් 7/24 පුරා අඛණ්ඩව තොරතුරු හා සේවා ලබාගැනීමේ පහසුකම් සලසා ඇත. නවීන තාක්ෂණය භාවිතා කරමින් සේවා ලබාදීම වේගවත්, පහසු සහ ප්රවේශය සරල කර ඇත. සේවාලාභීන්ගේ අවශ්යතා ඉටු කිරීම සඳහා සෑම විටම විශ්වාසය හා ගුණාත්මකභාවය රැක ගැනීමට අප කැපවී සිටිමු. ඉදිරියටත් තවත් වඩාත් නවීන සහ ප්රයෝජනවත් සේවාවන් ලබාදීමට අප අඛණ්ඩව කටයුතු කරනු ඇත.
දකුණු පළාත තුළ කෘෂිකර්ම සංවර්ධනය සඳහා ප්රධාන ආයතන තුනක් ලෙස කෘෂිකර්ම අමාත්යාංශය, කෘෂිකර්ම දෙපාර්තමේන්තුව සහ වාර්මාර්ග දෙපාර්තමේන්තුව ක්රියාත්මක වේ. කෘෂිකර්ම අමාත්යාංශය ප්රතිපත්ති සකස් කිරීම සහ සංවර්ධන වැඩසටහන් මෙහෙයවීම සිදු කරයි. කෘෂිකර්ම දෙපාර්තමේන්තුව ගොවීන්ට තාක්ෂණික උපදෙස්, බීජ සහ වගා ක්රම ලබාදෙමින් නිෂ්පාදන වර්ධනයට දායක වේ. වාර්මාර්ග දෙපාර්තමේන්තුව ජල සම්පාදනය සහ වාරි පද්ධති කළමනාකරණය කරමින් කෘෂිකාර්මික කටයුතු සඳහා ජලය සැපයීමට උදව් කරයි. එසේම සමූපකාර දෙපාර්තමේන්තුව විවිධ වූ ආර්ථික කටයුතු වැඩිදියුණු කිරීමට සහ වෙළඳපොළ අවස්ථා ලබාදීමට සහාය වේ.
දකුණු පළාත් කෘෂිකර්ම දෙපාර්තමේන්තුව ස්ථාපිත කරනු ලැබ ඇත්තේ ශ්රී ලංකා ආණ්ඩුක්රම ව්යවස්ථාවේ 13 වන සංශෝධනය සහිත නව වැනි උපලේඛනයේ (Ninth Schedule) පළමු ලැයිස්තුවේ 9 වන විෂය යටතේ සඳහන් රෙගුලාසි හා නියාමයන් ක්රියාත්මක කිරීම සඳහා ය.
කෘෂිකර්ම අංශය සඳහා රජය සහ පළාත් සභාව වෙත වෙන් කරනු ලැබ ඇති සම්පත් හා අරමුදල් කාර්යක්ෂමව කළමනාකරණය කිරීම තුළින් දකුණු පළාතේ ආහාර සුරක්ෂිතතාව තහවුරු කිරීම මෙම දෙපාර්තමේන්තුවේ මූලික අරමුණ වේ. උපායමාර්ගික සැලසුම් සකස් කිරීම, සම්බන්ධීකරණය, අධීක්ෂණය, ධාරිතා ගොඩනැගීම සහ නවීන තාක්ෂණයන් හඳුන්වාදීම මෙන්ම ගොවීන් හා කෘෂිකාර්මික ව්යවසායකයින් දිරිගැන්වීම තුළින් මෙම ප්රතිඵලය සාක්ෂාත් කර ගැනීමට දෙපාර්තමේන්තුව කැප වී සිටී.
දකුණු පළාත් වාරිමාර්ග දෙපාර්තමේන්තුව, පළාත තුළ ගංගා හා අභ්යන්තර ජල සම්පත් නියාමනය කිරීම සහ පාලනය කිරීම සඳහා ස්ථාපිත ප්රධාන පළාත් රජයේ ආයතනය වේ. පළාතේ ජල සම්පත් සංවර්ධන කටයුතුවල විශාල විභවතාවය හඳුනාගනිමින් මෙම දෙපාර්තමේන්තුව ස්වකීය සේවාවන් ක්රමවත්ව ඉටු කරයි. දකුණු පළාතේ වාරිමාර්ග පද්ධති ප්රධාන වශයෙන් ත්රිවිධ ස්වභාවයකින් යුක්ත වේ. එනම්, ප්රධාන වාරිමාර්ග ජාලයන් මධ්යම රජය විසින් පවත්වාගෙන යනු ලබන අතර, කුඩා හා ද්විතීයික වාරිමාර්ග ජාලයන් දකුණු පළාත් වාරිමාර්ග දෙපාර්තමේන්තුව විසින් නඩත්තු කරනු ලැබේ.
පළාත් කෘෂිකර්ම, වාරිමාර්ග, ගොවිජන සංවර්ධන, සත්ව නිෂ්පාදන හා සංවර්ධන සහ පරිසර කටයුතු අමාත්යාංශය යටතේ ස්වාධීන ආයතනයක් ලෙස මෙම දෙපාර්තමේන්තුව ස්ථාපිත කරනු ලැබ ඇත්තේ, රාජ්ය සේවාවන් ක්රමවත් හා සම්බන්ධිත ආකාරයෙන් ජනතාවට උපරිම ප්රයෝජනයක් ලබාදීම අරමුණු.
දකුණු පළාත් කෘෂිකර්ම, ගොවිජන සංවර්ධන, වාරිමාර්ග, ජල සම්පාදන හා ජලාප්රවාහන, ආහාර සැපයුම් හා බෙදාහැරීම්, වෙළඳ සමුපකාර සංවර්ධන අමාත්යාංශයට අයත් දකුණු පළාත් සමුපකාර සංවර්ධන දෙපාර්තමේන්තුවේ ප්රධාන නිලය සමුපකාර සංවර්ධන කොමසාරිස් හා සමුපකාර සමිති රෙජිස්ට්රාර් වන අතර උප කොමසාරිස් ප්රධාන නිලය සමුපකාර සංවර්ධන සහකාර කොමසාරිස් වේ.
දකුණු පළාත් සමුපකාර සංවර්ධන දෙපාර්තමේන්තු කාර්යාලය යටතේ සමුපකාර සංවර්ධන සහකාර කොමසාරිස් කාර්යාල පාලනය වන අතර ගාල්ල, මාතර, හම්බන්තොට යන දිස්ත්රික්කයන්හි සමුපකාර සංවර්ධන සහකාර කොමසාරිස් කාර්යාල පිහිටා ඇත.
ගාල්ල, පෙට්ටිගලවත්ත දිස්ත්රික් සමූපකාර මණ්ඩල ගොඩනැගිල්ලේ කුඩා කාමරයක ලේකම් ඇතුළු කාර්ය මණ්ඩලය 05 කින් සමන්විතව 1991.10.01 දින මෙම කාර්යාලය ආරම්භය විය.
පසුව වර්තමානයේ හෝල් දි ගෝල් ශාලාව පිහිටි පැරණි ගොඩනැගිල්ලේ කාර්යාලය පවත්වා ගෙන ගොස් ඇති අතර 2004.12.26 දින සුනාමි ව්යසනයට අසුවීමත් සමඟ කාර්යාලයේ සියලු දේපල හා ලිපි ගොනු විනාශ විය. සමිති වලින් ලද පරිත්යාග හා උපකාර මත ලීබඩු හා උපකරණ ද ලිපි ලේඛන ද සකස් කර ගනිමින් ගාල්ල දිස්ත්රික් ලේකම් කාර්යාලයේ පහළ මාලයේ ඉතා කුඩා බිම් කොටසක දැඩි දුෂ්කරතා මත මෙම කාර්යාලය නැවත ස්ථාපිත කර පවත්වා ගෙන යන ලදී.
අමාත්යාංශ ලේකම්
091-2234604, 0714054611
සහකාර ලේකම්
091-4943077, 0718139100
සහකාර ලේකම් 11
091-4946392, 0772715168
නියෝජ්ය අධ්යක්ෂ 1(ක්රම සම්පාදන)
091-4943078, 071-4460731
නියෝජ්ය අධ්යක්ෂ 11 (ක්රම සම්පාදන)
091-4943076, 078-6416759
ගණකාධිකාරි
091-4943088, 071-7329162
පරිපාලන නිලධාරි
091-4946393, 076-9795401
